lunedì 28 aprile 2014

LU MATRIMONIU "Tirituppi e T'appi" Video Clip Ufficiale Calandra & Cala...

COLAPISCI la leggenda

COLAPISCI

La genti lu chiamava ColaPisci
Picchi stava nta u mari comu un pisci

Dunni vinia nun lu sapia nissunu
Forsi era figghiu di lu Diu Nettunu

Ma un Jornu Cola u Re fici chiamari
E Cola di lu mari curri e veni

Oh Cola lu me regnu a scandagghiari
Supra chi piramenti si susteni

Cola Pisci curri e và vaiu e tornu Maestà
 Cola Pisci curri e và vaiu e tornu Maestà

MUSICA

Cussi si etta a mari Cola Pisci
E sutta l’unna subitu sparisci

Ma dopu un pocu chista nuvità
A lu rignanti Cola Pisci dà

Maestà li terri vostri stannu supra tri culonni
E lu fattu assai trimennu unu già si sta rumpennu

Oh destino me infelice chi svintura mi predici
Chianci u Rè comu aiu a fari Sulu tu mi poi sarvari

Cola Pisci curri e và vaiu e tornu Maestà
 Cola Pisci curri e và vaiu e tornu Maestà

Su passati tanti jorna Cola pisci nun ritorna

E l’aspetta a la marina lu regnanti e la regina

Poi si senti la so vuci di lu mari in superfici


Maestà …Maestà
sugnu ccà….. sugnu cca

Nta lu funnu di lu mari

Je nun pozzu chiu ternari

Vui priati a la Maronna

Staiu rigennu la colonna

Ca si nò si spezzerà

E la Sicilia svanirà

Su passati tanti jorna  Cola pisci è sempri dda






CANZUNI D'AMURI

Canzuni D’amuri

SCrivu e cantu Canzuni D’amuri
Storie di terra di mari e di suli
Scrivu e cantu canzuni pi tia …
scrivu ..ma tu dunni si…
scrivu e un sacciu picchì



Comu lu ventu chi stocca li rami
comu lu focu m'abbrucia lu cori
comu lu ciumi chi cerca lu mari
cercu ma tu dunni si..???
cercu e un sacciu picchi



Scrivu e cantu
Canzuni D'amuri
storie di terra di mari e di suli
scrivu e cantu canzuni pi tia
cantu ..ma tu dunni si
cantu e un sacciu pichhi ..!!!!














SICILIANU TIPU STRANU
Calandra Giuseppe - Calandra Maurizio

Mi susu o un mi susu. Mi curcu susu o jusu

Tegnu l’occhiu apertu. O lu tegnu chiusu



Li robbi ncapu u lettu. Ora chi mi mettu

Li scarpi novi novi. Tantu fora un chiovi



Un corpu a li capiddi. Mi ciavuru l’asciddi

M’aggiustu li baffetti. Unn ‘attrovu li quasetti



Sicilianu tipu Stranu

mi spicchiu la simenza un ni pozzu fari senza

ogni tantu m’arrabbiu si mi scappa la pacenza


Sicilianu tipu Stranu

duminica a la missa Don Vitu mi cunfessa

pirduna lu piccatu e accumenciu arrè d’accapu


Me matri c’abbannia quannu ti pari a tia

mi lassi stari m’paci e ti nni và di mia



A tia cu ti lu rissi chi mi vogghiu maritari

Megghiu stari n’chiazza e a tutti salutari



Voscenza binirica

com’è tuttu a postu?



So figghia e ancora zita. Ci Piaci a bella vita

ma quannu si marita?



Taliu chiura sunnu fici un pocu i rica(FAME)

Quattru maccarruna mi manciassi cu a muddica



Mentri sugnu pi la via c’è unu c’abbannia

haju pira, haju puma

Sistema li miluna. e n’canottiera fuma


Sicilianu tipu Stranu

lu jornu un ni vogghiu la sira sfardu l’ogghiu

si mi rassi a smossa forsi fussi puru megghhiu


Sicilianu tipu Stranu

mi leggiu lu giornali la cronaca locali

sta cosa un si pò diri sta cosa un si pò fari


Gia si fici tardu. accumenciu a salutari

Sugnu troppu stancu. senza travagghiari


Sapiti chi vi ricu. m’avissi a ripusari

La tavula è cunzata. sta vita un si po fari



Allistennu di manciari. Un sacciu chiu chi ffari

Mi rapu a finistredda. e mi taliu u mari



Sicilianu tipu Stranu

me frati a la Germania. amici a Brucculinu

me patri chi travagghia a la fabbrica a Torinu


Sicilianu tipu Stranu

mi spicchiu la simenza un ni pozzu fari senza

ogni tantu m’arrabbiu si mi scappa la pacenza


Sicilianu tipu Stranu

Lu jornu un ni vogghiu la sira sfardu l’ogghiu

si mi rassi a smossa forsi fussi puru megghhiu


Sicilianu tipu Stranu

duminica a la missa Don Vitu mi cunfessa

pirduna lu piccatu e accumenciu arrè d’accapu


Sicilianu tipu stranu di lu munnu paesanu

Sicilianu tipu stranu e lu munnu tegnu manu








SCOTULA SCOTULA

Scotula Scotula
Calandra B. Calandra G.
Quannu era  nicareddu  tutti  ricianu talè che beddu
Ora ca sugnu  crisciutu  nuddu  mi duna  nna manu d’aiutu
Ti parranu  du  munnu  e  ti  cuntanu  che  è beddu  e  tunnu
Ma sacciu ca pi liggi di natura un si nasci  cu la stessa misura
--------------------------------------------------------------------------------
Rit. C’è  cu nasci beddu  c’è cu nasci bruttu
C’è cu nasci longhu e cu curtu
C’è cu nasci riccu e cu nasci scarsu
E c’è cu avi sempri  n’manu l’assu
Musica
Quantu  semu nta stu mannu a cuntalli quasi mi cunfunnu
C’è cu sciala a mai finiri      C’è cu chianci e c’è cu riri
E c’è cu un po’ manciari  e cu fa tri voti u jornu a spisa
Poi c’è cu nasci nuru mentri   c’è cu nasci già cu la cammisa
………………………………………………………………………………………………
Rit. C’è cu nasci  biancu c’è cu nasci scuru
C’è cu è in cumpagnia e cu nasci  sulu
C’è cu è ginirusu e cu nasci avaru
C’è cu nasci pupu e cu puparu
………………………………………………………………………………………
Musica
C’è cu pisa e cu abbannia
C’è cu accatta e cu talia
C’è cu sona e c’è cu canta
E cu appatta sempri la sittanta
………………………………………………………………………………………………….
e c’è cu parra parra troppu spissu e fa finta chi un ci senti
e c’è sempri cu cala e isa la testa a nchi si un capisci nenti
Rit. C’è  cu nasci beddu  c’è cu nasci bruttu
C’è cu nasci longhu e cu curtu
C’è cu nasci riccu e cu nasci scarsu
E c’è cu avi sempri  n’manu l’assu

Musica

Scotula scotula scotula scotula scotula scotula scotula
Scotula scotula scotula scotula scotula scotula scotula
 




Testo "LU MATRIMONIU TIRITUPPI e T'APPI"

LU MATRIMONIU Tirituppi e t’appi
Calandra  Maurizio & Calandra Giuseppe

Tra 2 simani Ju mi maritu….Un m’aju pruvatu ancora mancu lu vestitu
Dopu 20 anni di stari zitu…….Tra 2 simani forsi..Ju mi maritu

Quasi cuntenti foru l’amici e parenti …..qualcunu dissi viri  dopu ti nni penti
menu felici  fù  lu ZZu Antoniu …Dissi sugnu contrariu  a stu matrimoniu

cunfetti boni e bouquè  quantu nna rota….tra spinni e spanni spennu assai  sulu nnà vota
tra discussioni murmuri e lamenti …..si presentaru quasi tutti li parenti    

  (Patri Cottone) misu a l’artari ..nni rissi PRESTU E’ TARDU  vati a maritari ..????
Tra un Patri Nostru  e nn’ Avi Maria me cumpari chiù l’aneddi un n ‘avia

Unn ‘attrova   chiù l’aneddi lu parrinu s’arrabbia …
interrompi L’Omelia e me soggira aggiannia la me zita mi talia e la curpa duna a mia
e cu fa a fotografia dici mi chi camurria.. arrivau lu Saristanu e l’aneddi avia n’manu….
(Cit ..Marcia nuziale)
RIT.Senza tuppu un t’appi..cu lu tuppu t’appi
Senza Tuppu  un t’appi cu lu  Tuppu  t’appi  comu t’appi t’appi
tirituppi e tappi cu tuppu e tacchi
tra tacchi e tuppu tirituppi tappi  comu t’appi t’appi
menu cuntenti fu lu Zzù  NITTU   iddu mi rissi Viri di filari dittu ..!!!!

instrumental


fora la chiesa a la nisciuta  ….lanciu di risu e gran battitu di manu
fotu di ritu cu tutti quanti  …. Strincìti un pocu e tu mettiti d’avanti

Chi firnicia quantu pinseri
Ciuri ,chiesa ,orchestra sala e cammareri
Menu cuntenti fu lu ZZu’  VITU iddu mi rissi t’avii a stari ancora zitu

lu cammareri  menzu stunatu versà lu vinu giustu supra a (Don  Tanino )
tra n’arancina e la cassata   chistu mi voli rovinari  la jurnata
la jurnata e rovinata ..Don Tanino  s’arrabbia dici giustu giustu a mia
e me soggira aggiannia me mugghieri mi talia e la curpa duna a mia
e cu fa a fotografia dici mi chi  camurria ..arrivau lu saristanu e li bicchiera avia n’manu
cin cin …bacio bacio bacio  Abballa i Sposi ..!!!!
RIT.Senza tuppu un t’appi..cu lu tuppu t’appi
Senza Tuppu  un t’appi cu lu  Tuppu  t’appi  comu t’appi t’appi
tirituppi e tappi cu tuppu e tacchi
tra tacchi e tuppu tirituppi tappi  comu t’appi t’appi

RIT.Senza tuppu un t’appi..cu lu tuppu t’appi
Senza Tuppu  un t’appi cu lu  Tuppu  t’appi  comu t’appi t’appi
tirituppi e tappi cu tuppu e tacchi
tra tacchi e tuppu tirituppi tappi  comu t’appi t’appi….(sfinire a libidine)

lu chiu deciso fu lu ZZù Totò..dissi ora tutti a la casa va si no ..!!!