Testo "Oggi è Duminica" Brano dei Calandra & Calandra

OGGI E’ DUMINICA

Calandra B. Maurizio Calandra Giuseppe

Oggi è duminica e vaiu a mari

Oggi è duminica  mi vogghiu scialari

La machina è posteggiata a lu suli

Facemu Prestu è tardu  nnamu a spirugghiari

Pigghiu la sdraiu e l’ombrelloni

Li tuvagghi a crema e lu borsoni

la maschera li pinni a palla e lu gommoni

La pasta a fornu li cannola e lu miluni

Oggi è Duminica e minni vaju a mari

Oggi è Duminica mi vogghiu sulu scialari

Oggi è Duminica a nenti vogghiu pinsari

Oggi è Duminica  e minni vaju  a …!!!????

Oggi è Duminica e vaju mari

Oggi è Duminica mi voghiu scialari

Lu stereo nta la machina è misu a palla

E me mugghieri  a lu  ciancu me c’abballa

Giru a sinistra   (Pigghiu) la statali

Scinnu astutatu pi risparmiari

E mentri pensu oggi  la jurnata e bona

nta la testa sentu un cantu di sirena

Oggi è Duminica e minni vaiu  a mari

Oggi è Duminica e a nenti vogghiu pinsari 

Oggi è Duminica e mi firmau la stradali

FAVORISCA Patente e libretto  …..(CHI DICI…????)

Patente e libretto ….(CHI DICI…???)

Librettu e patenti chi fa un ci senti  CHI DICI ..!!!??

  semu a mari… semu tutti a mari…..

semu a mari ….. semu tutti a mari

semu a mari… semu tutti a mari…. 

semu a mari …. semu tutti a mari …

semu …!!!! semu a mari

semu a mari… semu tutti a mari…..

 semu a mari ….. semu tutti a mari

semu a mari… semu tutti a mari…..

 semu a mari ….. semu tutti a mari …

semu …!!!! semu a mari

Oggi è Duminica e  vaju a mari

Oggi è Duminica  mi vogghiu scialari

La macchina la porta ora me mugghieri

E semu persi  puru  n’menzu a sti trazzeri

Tira dittu NO..!!!a destra vota
mancu centu metri e si bucau la rota
picchi cu cancia a strata vecchia pi la nova
sapi soccu lassa e un sapi soccu attrova 

Oggi è Duminica è minni vaju a mari

Oggi è Duminica e nenti mi po firmari

Oggi è duminica  mi vogghiu sulu scialari

oggi e duminica e semu tutti a

     semu a mari… semu tutti a mari….. 

semu a mari ….. semu tutti a mari

semu a mari… semu tutti a mari….

 semu a mari …. semu tutti a mari …

semu …!!!! semu a mari

semu a mari… semu tutti a mari…..

 semu a mari ….. semu tutti a mari

semu a mari… semu tutti a mari….

 semu a mari ….. semu tutti a mari …

semu …!!!! semu a mari

Lu Nannu a sò Niputi

LU NANNU A SO’ NIPUTI 

di Liborio Palmeri e Baldo Palermo

 https://www.youtube.com/watch?v=0Ham67dX8Js

Figghiu di lu me figghiu,

N’ta li vrazza ti pigghiu,

N’ta ll’occhi ti talìu

E sta Terra ti ci vìu:

Terra di suli m’pastata,

Terra di mari allitata,

D’ogni ciuri ciurusa,

Di ciauru sbampusa;

Cannizzi di furmentu,

Vinu di lu parmentu,

L’ogghiu n’ta li cafisi,

L’agghi ‘ntrizzati tisi.

Terra di li scarsizzi,

Terra di li ricchizzi,

Terra tutta d’amuri,

Terra di lu duluri.

Siti di canuscenza,

Acqua di la pacenza,

Lava sutta la sciara,

Focu di la lupara.

Figghiceddu amatu,

Arma di lu me ciatu,

La Sicilia ti cantu,

Terra di risu e chiantu.

Portu di li Fenici,

tiatru di li Greci,

forza di li Latini,

Firi di Bizantini.

Di l’Arabi l’ingegnu,

Di li Normanni u’ regnu,

Svevi Francisi e Spagna:

Canciaru li carcagna.

E dopu li Burbuna

Canciaru li patruna,

Canciaru li clienti

Pi nun canciari nenti.

Tempiu di li pagani,

Chiesa di li cristiani,

a teniri l’amuri

cià statu lu Signuri.

Ciatu di l’arma mia

Senti sta vuci, a tia,

dopu venniri santu

torna sempri lu cantu,

Passannu la Passioni

C’è la Risurrezioni,

E doppu l’annacata

Ti fazzu na cantata,

E sta cantata sia

Festa pi tia e pi’ mia,

Cu sta cantata avanti:

Festa pi tutti quanti!

https://www.youtube.com/watch?v=0Ham67dX8Js