E VUI DURMITI ANCORA (Matinata)

E Vui Durmiti Ancora

Lu suli è gia spuntatu ntra lu mari

E vui bidduzza mia durmiti ancora

L’aceddi sunnu stanchi di cantari

E affriddateddi aspettanu  cca   fora

Supra lu barcuneddu  su pusati

E aspettanu quann’ è c’ava affacciati

……………………………….......

Li ciuri senza vui nun ponnu stari

Su tutti cu li testi a pinnuluni

Ognunu d’iddi nun voli sbucciari

Si prima nun si rapi stu barcuni

Dintra lu  buttuneddu  su ammucciati

E aspettanu quann’e chi v’ affacciati

…………………………………

Lassati stari nun durmiti chiui

Ca menzu a iddi dintra sta vanedda

Ci sugnu puru iu  c’aspettu a vui

Pi viriri sta faccia accussi bedda

Passu  cca fora tutti li nuttati

E aspettu sulu quannu v’affacciati.